Alfred finnur tær rætta starvið

"Vit hava ein arbeiðsmarkna við stórum tørvi á arbeiðsmegi og samstundis eru starvssøkjandi kræsin og sera tilvitað um, hvørji størv og treytir tey ynskja sær. Tí er tørvur á eini framkomnari og effektivari loysn, ið livir upp til tørvin hjá arbeiðsgevarum og starvssøkjandi," sigur Allan Dalsgarð, ein av stigtakarunum til Alfred.

Allan Dalsgarð var í morgunsendingini, Góðan Morgun Føroyar, í morgun, og greiddi frá, um appina Alfred.

Við Alfred verður betri møguleiki hjá arbeiðsgevarum at røkka ikki bara aktivt starvssøkjandi, men eisini fólki, sum møguliga eru áhugað í nýggjum starvi. 

50% eru áhuga í nýggjum starvsmøguleikum
Sambært eini nýggjari kanning siga heili 50% av føroyingum millum 30 og 59 ár seg vera áhugað í nýggjum starvsmøguleikum, hóast tey ikki eru beinleiðis starvssøkjandi í løtuni.

Alfred Hagtøl

Kanning ið vísir, at umleið helvtin av føroyingum eru opin fyri nýggjum starvsmøguleikum. Spyr.fo hevur staðið fyri kanningini.  (Mynd: Alfred.fo)

"Við Alfred-appini kunnu øll - bæði tey sum leita eftir starvi ella bara eru forvitin - fylgja við nýggjum starvsmøguleikum á einum stað og hvør veit um tey finna dreymastarvið, sum tey ikki vistu, at tey leitaðu eftir," sigur Allan Dalsgarð.

Kelda: Alfred.fo

Tak appina Alfred niður HER