Apoteksverkið: Alivinnan eigur størsta vøksturin í heilivágssøluni

Seinastu 20 árini er heilivágssølan hjá apoteksverkinum vaksin úr 118 milliónum upp í 292 milliónir kr.

Tað vísa tøl hjá Hagstovuni.

Størsti vøksturin hevur verið í søluni til alivinnuna, sum fyri 20 árum síðani lá um 20 milliónir kr. um árið. Í fjør seldi apoteksverkið heilivág til alivinnuna fyri 111 milliónir kr.

Sølan til alvinnuna er nú 38 prosent av allari heilivágssølu hjá apoteksverkinum. 

Lítil vøkstur í reseptheilivági

Sølan av reseptheilivági er ikki nógv vaksin. Hon var 80 milliónir krónur í 2002, og 20 ár seinni var hon 94 milliónir kr.

Hinvegin er sølan til sjúkrahúsini nógv vaksin. Hon var 13 milliónir í 2002, og fjør var hon 86 milliónir kr. 

Meðan heilivágssølan til hinar brúkarabólkarnar hevur verið støðug, eru ógvisligar broytingar í heilivágssøluni til alivinnuna.

Hon var sjey milliónir í 2004 og vaks so í stórum næstu 10 árini, upp í 135 milliónir krónur í 2014.

Sølan minkaði niður í 49 milliónir kr. í 2018, men er  aftur vaksin seinastu trý árini, upp í 111 mió. kr. í 2021.

heilivagur.png