Føroyska lodnukvotan í íslendskum sjógvi minkar

11.10.2022 - 09:29
AktueltVinna
Føroyska lodnukvotan í íslendskum sjógvi minkar
Sambært tilmælinum verður kvotan 11.000 tons næstu vertíð. Í vár fiskaðu skipini góð 27.000 tons
Alt bendir á, at føroyska lodnakvotan í íslendskum sjógvi næstu vertíð bara verður 11.000 tons. (Savnsmynd)
 

Føroyar fáa nógv minni lodnu í íslendskum sjógvi í næstu vertíð enn í teirri undanfarnu.

Føroysku skipini fáa sløk 11.000 tons sambært tilmælinum, sum nú er.

Í vár fiskaðu føroysku skipini 27.149 tons av lodnu, skrivar felagið Nótaskip á heimasíðuni. 

Í ár var miðal avreiðingarprísurin 5,51 kr., men í fjør var hann 12,63 kr. 

 

218.400 tons

Orsøkin til tann høga prísin í fjør var helst, at tey tvey undanfarnu árini var eingin lodna fiskað, skrivar Nótaskip.

Íslendski havrannsóknarstovnurin hevur kunngjørt sítt fyrsta tilmæli um lodnukvotuna komandi vertíð. 

Tað er 218.400 tons. Tilmælið fyri síðstu vertíð var 904.200 tons. 

Nýggjar lodnukanningar verða gjørdar í desember, og tí kann tilmælið fyri næsta vertíð broytast.

Føroyar eiga fimm prosent av íslendsku lodnukvotuni.

Er kopiera
Nýggjastu sendingar í ÚV
Nýggjastu sendingar í SV
Hósdag 1. juni
Lítli Petur
157808
Týsdag 30. mai
Veðrið
157705
Mánadag 29. mai
Rekamaðurin á Hellunum
75858