Løkke sinnaður at gerast forsætisráðharri

Fyrrverandi danski forsætisráðharrin, Lars Løkke Rasmussen, sigur "ja", fær hann høvið at taka við aftur sum forsætisráðharri í Danmark.

Tað kom fram á einum veljarafundi í Helsingør í gjárkvøldið, tá ið ein veljari fekk svar upp á spurningin, sum miðlar hava roynt at fáa hann at svara í fleiri vikur.

Og júst tann spurningurin er meira viðkomandi, enn hann higartil hevur verið undir valstríðnum.

Um nýggjastu veljarakanningarnar eru eftirfarandi, verður tað Lars Løkke Rasmussen, sum kann avgera, hvør næsti forsætisráðharrin í Danmark verður.

Lars Løkke Rasmussen og valplakat

11 prosent vilja hava Løkke

Samstundis halda eygleiðarar, at Lars Løkke Rasmussen hevur góðan møguleika í stríðnum um hægsta politiska embætið í Danmark.

11 prosent av veljarunum taka eisini í nýggjari veljarakanning undir við, at hann á triðja sinni tekur við sum forsætisráðharri.

Lars Løkke Rasmussen sat sum forsætisráðharri frá 2009 til 2011 og aftur frá 2015 til 2019.