Ungarn útsetur svenskan og finskan NATO-limaskap

Eftir ætlan skuldi ungarska tjóðartingið 7. desember góðkenna, at Svøríki og Finnland gerast limir í verjusamgonguni NATO.

Men í gjár boðaði ungarski forsætisráðharrin, Viktor Orban, frá, at Ungarn hevur útsett hesa góðkenningina til næsta ár.

Hann sigur sambært AFP, at málið um svenskan og finskan limaskap í NATO verður viðgjørt á fyrsta fundinum, tá ungarska tingið kemur saman aftur í februar.

Viktor Orban - Mynd: Ritzau Scanpix

Viktor Orban er forsætisráðharri í Ungarn. (Mynd: Ritzau Scanpix)

Og pólski forsætisráðharrin, Mateusz Morawiecki ,hevur eisini sagt, at hann frá Viktor Orban hevur fingið vissu fyri, at limaskapurin verður staðfestur í ungarska tinginum í februar mánaði.

Ein av treytunum fyri at gerast limur í NATO er, at tjóðartingini í hinum limalondunum góðkenna limaskapin.

Ungarn og Turkaland eru einastu NATO-londini, sum ikki enn hava staðfest limaskapin hjá Svøríki og Finnlandi