Arbeiðsbólkar umrøða fleiri málsøki

Samráðingarnar millum Javnaðarflokkin, Tjóðveldi og Framsókn halda fram, og seinnapartin hava arbeiðsbólkar við umboðum fyri allar tríggjar flokkar sitið og viðgjørt ymisk málsøki, sum skulu við í  ætlaða samgonguskjalið.

Evnini, sum arbeiðsbólkarnir viðgera, eru m.a. mentan, vinnumál, heilsumál og samferðsla.

Í arbeiðsbólkunum sita umboð fyri tingmanningarnar og onnur, sum hava tilknýti til teir tríggjar flokkarnar.

Aksel V. Johannesen, samráðingarleiðari, sigur, at hann fer at kunna um gongdina í samráðingunum seinni.