Bú- og heimatænastan fær alla afturberingina

Býráðið á Tvøroyri hevur samtykt at lata eldrasamstarvinum Bú- og heimatænastuni alla afturberingina, sum kommunan fær frá landinum.

Sambært framrokningum fær Tvøroyri 67,8 mió. kr. í afturbering í ár.

Og gjaldið til eldrasamstarvið er, eisini sambært framrokning, 65,3 mió. kr.

Men býráðið er sinnað at lata munin, slakar 1,7 milliónir, til eldrasamstarvið.

Treytin er tó, at hinar seks kommunurnar í oynni, gera tað sama.

Fáa meira

Sambært framrokningini fáa fýra aðrar kommunur meira í afturbering enn tær gjalda Bú- og heimatænastuni.

Tvær kommunur hava hall. Tær eru Fámjin og Sumba.

Sambært fíggjarætlanini hjá Bú- og heimatænastuni kostar hon 65,3 mió. kr. 

Ein ætlan, sum er gjørd sambært framrokning, kostar hon 66,2 mió. kr. í ár.