- Tíðindi, mentan og ítróttur
ES-reglur um tiltøk móti Russlandi skulu setast í gildi í Føroyum
ES-reglur um tiltøk móti Russlandi skulu setast í gildi í Føroyum
Talan er um málsøki, sum Føroyar ikki hava yvirtikið
Morten Bødskov, vinnumálaráðharri, eigur uppskotið, sum áleggur Føroyum at seta í gildi ES-reglur um tiltøk móti Russlandi og Hvítarusslandi í sambandi við innrásina í Ukraina.
Mynd: Ritzau Scanpix
03.02.2023 - 08:56
Morten Bødskov, vinnumálaráðharri, hevur gjørt uppskot um eina lóg, sum áleggur Føroyum at seta í gildi ES-reglur um tiltøk móti Russlandi og Hvítarusslandi í sambandi við innrásina í Ukraina.
Talan er um málsøki, sum Føroyar ikki hava yvirtikið.
Uppskotið er sent til hoyringar í Føroyum. Hoyringarfreistin er til 8.februar.
Uppskotið skal viðgerast í løgtinginum og í fólkatinginum samstundis.
Fær fíggjarligar avleiðingar
Morten Bødskov sigur, at myndugleikar í Føroyum hava upplýst, at lógin fer at fáa fíggjarligar avleiðingar fyri partar av vinnulívinum í Føroyum.
Lógaruppskotið um ES-reglurnar í Grønlandi er longu til viðgerðar í fólkatinginum.
Tað er nú í grønlandsnevndini.
Er kopiera
Nýggjastu sendingar í ÚV
Nýggjastu sendingar í SV
Mánadag 27. mai
Vísindavøka '23 - Katrin Eivindardóttir Danielsen, Heilsugranskingareindin - teknmálstulkað
175678
