Heilsutrygd fingið álvarsama átalu frá Dátueftirlitinum

Dátueftirlitið hevur givið Heilsutrygd álvarsama átalu.

Átalan er givin, tí vantandi trygd í eini KT-skipan hjá Heilsutrygd hevði við sær, at umleið 1.700 starvsfólk á umleið 40 almennum stovnum síðani 2019 hava havt atgongd til persónsupplýsingarnar hjá øllum borgarum í Føroyum. 

Í summum førum eisini viðkvæmar persónsupplýsingar.

Heilsutrygd, Gigni í Klaksvík

Slagið av upplýsingum, sum eru fevndir av hesum trygdarbrotinum, eru millum annað nøvn, føðingardagar, P-tal og heilsuupplýsingar hjá borgarum.

Egil á Bø

Hoyr samrøðuna við Egil á Bø, stjóra í Heilsutrygd.