Leita eftir tvímæltum børnum

Talan skal vera um børn, ið tosa danskt og so annaðhvørt svenskt, norskt, íslendskt, føroyskt, grønlendskt ella finskt.

Upptøkurnar til filmin verða gjørdar í Kjøpinhavn 22. og 23. apríl.

Børnini koma at filma seg sjálvi og hvønnannan við støði í nøkrum skúlauppgávum, samrøðum og pallmyndum, har skulu vera skapandi virkin í felag.

Ikki er neyðugt at hava royndir frá filmi ella sjónleiki, men tey sóknast eftir børnum, sum eru djørv, dáma væl film og at knýta nýggj vinarbond.

Eisini siga tey frá Dont Think Twice Film og BUSTER-Filmfestivalinum, at børnini skulu vera glað og trygg við at brúka tvey mál.

Freistin at søkja um at vera við í filminum er 3. mars, og upptøkuroynd verður í Kjøpinhavn tann 13. mars.