Hækka fráfaringaraldurin hjá starvsfólkunum

Fuglafjarðar býráð fer í kvøld at viðgera spurningin um fráfaringaraldur hjá starvsfólki í kommununi.

Ætlanin er at hækka fráfaringaraldurin úr 67 upp í 70 ár.

Kommunan vil fylgja rákinum um hægri fráfaringaraldur og at geva teimum, sum vilja tað, møguleika at arbeiða longur.

- Tað eru nógv fólk í hesum aldrinum, sum eru væl fyri, og í kommununi hava vit nógv størv, sum hóska seg væl til eldri fólk, sigur Dávur Juul, borgarstjóri í Fuglafjarðar kommunu.