Eitt ár síðani innrásina í Ukraina

Eitt ár síðani innrásina í Ukraina
Løgmaður sigur í tíðargrein, at landsstýrið greinar í løtuni viðurskiftini við Russland, og ein niðurstøða fyriliggur skjótt
Fraklendingar byrjaðu longu í gjárkvøldið at varpa ljós á dagin - bókstaviliga - við at lata Eiffeltornið lýsa í gulum og bláum liti.
Mynd: Ritzau Scanpix  
 
24.02.2023 - 08:45

Í dag er eitt ár síðani, at russar gjørdu innrás í Ukraina.

Og í øllum heiminum verður varpað ljós á dagin.

Eitt nú við gudstænastum, røðum og tiltøkum.

 

(Mynd: Tórshavnar kommuna)

 

Her heima flaggar Tórshavnar kommuna við ukrainska flagginum á Vaglinum. Í skýmingini verða ljós við ukrainsku flagglitunum at síggja í Steinatúni og á Vaglinum.

 

Aksel V. Johannesen, løgmaður. (Mynd: Bjarni Árting Rubeksen)

 

Løgmaður skrivað grein

Løgmaður hevur skrivað tíðargrein til høvið. 

Síðst í greinini spyr Aksel V. Johannesen sjálvur, hvat vit gera við okkara fiskiveiðusamstarv við Russland.

Hann kemur ikki við nøkrum ítøkiligum svari, men skrivar, at landsstýrið í løtuni greinar okkara viðurskifti við Russland. Og at ein niðurstøða skjótt fyriliggur.

Greinin, sum eitur "Frá Ishkov til Putin: Okkara sál og hjørtu gráta við Ukraina", liggur á heimasíðuni hjá løgmansskrivstovuni.

 

Bønargudstænasta verður í Vesturkirkjuni í kvøld. (Mynd: Bjarni Árting Rubeksen)

 

Bønargudstænasta í Vesturkirkjuni

Eisini kirkjan ger vart við dagin. Í Vesturkirkjuni í Havn kl. 19 verður bønargudstænasta við Marjuni Lómaklett, presti, har fólk millum annað hava møguleika at tendra ljós, minnast og biðja saman.

Í Keypmannahavn skipar danska Fólkatingið fyri guðstænastu í Holmens kirkju fyrrapartin.

Fraklendingar byrjaðu longu í gjárkvøldið at varpa ljós á dagin - bókstaviliga - við at lata Eiffeltornið lýsa í gulum og bláum liti.

Somuleiðis vóru útveggirnir í ES-tinginum í Brussel littir við ukrainsku litunum fyri at vísa samhuga fyri Ukraina.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585