Marka oljutangar í Fuglafirði

Herfyri vóru trupulleikar av oljulukti í Fuglafirði, og kommunan mátti heita á borgarar í ávísum økjum um at kanna, um tangin lak.

Kommunan hevur eisini staðfest oljulekar á fjørðinum.

Tí hevur kommunan nú avgjørt, at til tess at fyribyrgja dálking frá oljutangum, mugu allir oljutangar í kommununi skrásetast, eisini eldri oljutangar.

Allit tangar í kommununi verða tí nú markaðir og teknaðir á talgilda kortið hjá kommununi.

Við at útfylla eitt skrásetingarskjal kunnu fuglafirðingar eisini hjálpa til, so teirra oljutangi verður skrásettur.

Í teimum førum, har tangar ikki eru skrásettir við hesum átaki, fer kommunan at seta seg í samband við eigaran av matriklinum.