Hópurin móti Luksemborg tikin út

Føroysku landsliðskvinnurnar hava júst fingið nýggjan landsliðsvenjara, men Signe Pries Andersen tekur ikki við starvinum fyrrenn 1. juni, og tí er tað Svenn Olsen, sum hevur ábyrgdina, tá Føroyar spæla tveir venjingardystir ímóti Luksemborg 5. og 8. apríl.

Hann hevur tikið 22 spælarar út til dystirnar. 19 spæla í Føroyum, meðan tríggjar spæla uttanlands. Julia Naomi Mortensen og Jensa Tórálvsdóttir spæla í Danmark, og Ásla Johannesen er nú í Svøríki.

Venjingardystirnir eru liður í fyrireikingini til fyrstu Nations League-kappingina fyri kvinnulandslið, sum fer av bakkastokki í heyst. Lutakastið verður 2. mai.

Føroyski hópurin:
Margit Kwao, 07 Vestur
Julia Naomi Mortensen, AaB (Danmark)
Olga Kristina Hansen, B36 Tórshavn
Valborg Østerø, B36 Tórshavn
Lea Símunardóttir Lisberg, EBS/Skála
Jensa Tórolvsdóttir, FC Thy – Thisted Q (Danmark)
Sarita Maria Mittfoss, HB Tórshavn
Sunneva Willemoes, HB Tórshavn
Rúna Jacobsen, HB Tórshavn
Óluva Allansdóttir Joensen, KÍ Klaksvík
Birita Ryan, KÍ Klaksvík
Tórunn Højgaard Joensen, KÍ Klaksvík
Sanna Svarvadal, KÍ Klaksvík
Eyðvør Klakstein, KÍ Klaksvík
Tóra Mohr, KÍ Klaksvík
Rebekka Benbakoura, KÍ Klaksvík
Sara Samson Lamhauge, NSÍ Runavík
Rúna Olsen, NSÍ Runavík
Heidi Sevdal, NSÍ Runavík
Ásla Johannesen, Piteå IF (Svøríki)
Maria á Lakjuni, Víkingur
Mona Rasmusdóttir, Víkingur