Javnleik í fyrsta EM-dystinum

Mads Bo Mikkelsen legði Føroyar á odda, tá lítil hálvur tími var farin, og tað var støðan, til Moldova í 87. minutti fekk brotsspark.

Ion Nicolaescu setti bóltin trygt í málið, og so var 1-1, sum eisini gjørdist úrslitið.

Hóast tað var nær við, at Føroyar fóru við øllum, so var javnleikur á eini góðari leið, tí liðini áttu hvør sín hálvleik á Stadionui Zimbru í Chisinau.

Hetta er fyrsti dysturin í nýggju EM-undankappingini, og bæði spælarar og venjarar tóktust nøgdir við at fáa stig á útivølli í fyrstu royndini.