Kingobólkurin niður á páskum

Kingobólkurin í Tjørnuvík fer á páskum til Danmarkar, har sungið verður á trimum konsertum og undir einari gudstænastu.

Hetta er fyrsta uttanlandsferðin hjá Kingobólkinum í fimm ár, og annars eru 20 ár liðin, síðani bólkurin fyrstu ferð var á sangferð niðri.

Fýra kirkjur í Mittjyllandi verða vitjaðar páskadagarnar, og millum annað skal Kingobólkurin páskamorgun syngja í Sparkær kirkju, har føroyingurin, Tummas Kannuberg, er prestur.

Eftir tvær av gudstænastunum verður eisini farið upp á gólv fyri at sýna fram føroyskan dans.