Freistin at mótmæla fer á midnátt

Á midnátt fer freistin hjá teimum, sum mótmæla ella hava broytingaruppskot um ætlaðu broytingina í byggisamtyktini fyri Tvøroyrar kommunu.

Tvøroyar býráð samtykti 20.februar at broyta byggisamtyktina, so Varðin Pelagic kann byggja út.

Uppskotið um broyttu byggisamtyktina lá frammi alment í tríggjar vikur, so fólk kunnu mótmæla ella koma við broytingaruppskotum í seinasta lagi seks vikur eftir framløguna. Og tað er á midnátt í dag.

Mótmæli og broytingaruppskot, sum kommunan sjálv ikki tekur við, skulu vera við uppskotinum, tá tað verður sent landsstýrinum, har býarskipanarnevnd landsins skal viðgera tað.

Landsstýrismaðurin í kommunumálum skal góðkenna broytingina.