- Tíðindi, mentan og ítróttur
Árant er bestur í badminton
Árant er bestur í badminton
Seinasta finalan á stóra FM-degnum var finalan um føroyameistaraheitið í einmansleiki í badminton, og hana vann Árant á Mýruni
Árant á Mýruni er føroyameistari í einmansleiki í badminton annað árið á rað.
Mynd: Haldor Suni Johansen
15.04.2023 - 15:47
Finalan í einmansleiki hjá monnum í badminton var ein endurtøka av finaluni í fjør, tá ið Árant á Mýruni úr MBF og Jónas Djurhuus úr HBF aftur møttust í avgerandi dystinum.
Árant á Mýruni endurvann føroyameistaraheitið frá í fjør, og hann vann finaluna í dag 2-1 á Jónasi Djurhuus.
Jónas Djurhuus fekk annars betru byrjanina og vann fyrsta sett og spældi væl heilt fram til steðgin í øðrum setti.
Men so kúvendi Árant á Mýruni dystinum, og eftir steðgin var tað so at siga einvegis ferðsla heilt fram til steðgin í triðja setti.
Tá fór Jónas at bíta frá sær aftur, men tað gekk ikki hjá honum.
Árant vann annað settið 21-15 og triðja settið 21-14.
Er kopiera
Nýggjastu sendingar í ÚV
Nýggjastu sendingar í SV
