Útlendskur ferðamaður fjaldi stóra nøgd av hassji innvortis

Tá tað eina flogfari hjá Atlantsflogi lendi í Vágum fríggjadagin, vísti narkohundurin hjá tollvaldinum stóran áhuga fyri einum av ferðafólkunum.

Talan var um ein útlendskan ferðamann, og tá hann varð tikin til viks, vísti tað seg, at hann hevði eina pinkalítla nøgd av rúsevnum í viðførinum, skrivar Dimma.fo.

Tollararnir fingu illgruna um, at har búði meiri undir, so hann varð sendur í røntguna á Landssjúkrahúsinum. Og rætt var.

Hassjhundur, hash-hundur, hashhundur

Stór nøgd av hassji innvortis

Útlendski ferðamaðurin hevði fjalt eina stóra nøgd av rúsevnum innvortis. 

Maðurin kom fyri rættin leygardagin og varð varðhaldsfongslaður í tvær vikur.

Hesa tíðina skal løgreglan so fáa greiði á, hvussu nógv rúsevni hann í roynd og veru hevði fjalt innvortis. 

Tá maðurin hevur fingið alt úr sær aftur, verður nøgdin gjørd upp, og síðani gongur málið sína gongd, skrivar Dimma.fo.