- Tíðindi, mentan og ítróttur
Ragnheiður og Hugi vunnu FM-gongulagskapping
![](https://kvf.fo/sites/default/files/styles/grein-ovasta-mynd/public/ridingok.png?itok=GoNTYa3x)
Ragnheiður Ólafsdóttir Dam á Huga frá Hrepphólum vann FM-gongulagskappingina hjá Føroyskum Íslandsrossafelag í Havnardali um vikuskiftið.
Reiðkvinnan kappaðist fyri fyrstu ferð í bólkinum fyri vaksin - hon bleiv 22 sama dag - og hon gjørdi ikki mætari enn at vinna kappingina frammanfyri Hera Djurhuus Dahl á Brá frá Tjarnarstöðum og Ásu Mariu Vágsheyg á Krapi fra Enighed.
Hjá teimum ungu skaraði Ester Dahl á Heygum á hestinum Vorboða frá Akurgerði framúr. Hon vann fjórðgongdina, V1, har hon vann á teimum vaksnu, og eisini tøltkappingina, T2.
32 fólk og 39 ross vóru meldað til seinastu innandura kappingina í vár. Nýggja uttandura breytin er komin so væl áleiðis, at fyrsta uttandura kappingin verður um miðjan mai.