HB vitjar Víking í fyrsta umfari av steypakappingini

Kappingin um Løgmanssteypið byrjar í kvøld, og verandi steypavinnarin, Víkingur, fær vitjan av HB í Sarpugerði.

Tann dysturin byrjar klokkan 18:00, og tað ger dysturin millum NSÍ og MB við Løkin í Runavík eisini.

Tveir aðrir dystir eru klokkan 19:00. EB/Streymur vitjar FC Hoyvík og Skála tekur ímóti B71.


Brak í Havn

Restin av dystunum í fyrsta umfari verða spældir í morgin. 

Í Havn verður brak ímillum B36 og KÍ, sum tapti steypafinaluna í fjør. Tann dysturin byrjar klokkan 18:00.

Annars verða tveir dystir klokkan 15:00: B68 vitjar TB, og ÍF tekur imóti 07 Vestur, sum í fjør spældi seg í hálvfinaluna.

Síðsti dysturin í 1. umfari verður klokkan 16:00 á Argjum, har AB tekur ímóti FC Suðuroy.

Í ár kunnu allir dystirnir í steypakappingini síggjast hjá Televarpinum.

Dystarskrá, fríggjadag:

18.00: 
Víkingur - HB 
NSÍ - MB
19.00: 
FC Hoyvík - EB/Streymur 
Skála - B71

Dystarskrá, leygardag:

15.00: 
TB - B68
ÍF - 07 Vestur
16.00: 
AB - FC Suðuroy
18.00: 
B36 - KÍ