Nógv trø koppað í Trongisvági

Nógv trø eru koppað í illveðri, og tí hava tvey fólk frá Skógrøkt Landsins verið og sagað trøini niður.

Tey hava fingið hjálp til uppruddingina frá starvsfólkum hjá Tvøroyrar kommunu.

Niðurdotnu trøini eru til ampa og kunnu vera vandamikil fyri tey, ið ganga framvið, skrivar heimasíðan hjá kommununi.

Næsta ár eru hundrað ár, síðani Plantasjan í Trongisvági varð gróðursett.

Í næstum verður farið undir nýggja gróðurseting, so rundi dagurin kann hátíðarhaldast við nýggjum vøkstri.