Musikkstevna í Eysturskúlanum

Orkestrini skiftast um at skipa fyri, og í ár er tað Havnar Hornorkestur, sum eisini fyllir 120 ár, ið bjóðar horn- og harmoniorkestrum úr øllum landinum til Musikkstevnu. Hendan Musikkstevnan er tann 57. í røðini.

11 orkestur luttaka hesuferð. Av teimum er elsta orkestrið Havnar Hornorkestur, og hitt størsta er GHM.

Frásøgumaðurin í ár er útvarpsmaðurin Kári Olsen, sum fyrr í ár var heiðraður sum heiðurslimur í Havnar Hornorkestri. 

Fyrsta musikkstevnan var í 1966 og varð tá hildin í Vestmanna.