Stóra slagið stendur í Gundadali

Í dag verða fjórðingsfinalurnar í kappingini um Løgmanssteypið spældar, og størsti dysturin er í Gundadali klokkan 18:00, har B36 og HB bresta saman.

Í 1. umfar sendi B36 KÍ úr steypakappingini, meðan HB gjørdi tað sama við Víking, og tí má vinnarin av dystinum á Ovara vølli í kvøld roknast sum favorittur at vinna Løgmanssteypið.

Fyrsta fjórðingsfinalan verður annars klokkan 17:00 inni í Vika á Argjum, har 07 Vestur vitjar AB.

Hinar báðar fjórðingsfinalurnar byrja klokkan 18:00.

Í Hólmanum á Eiði tekur EB/Streymur ímóti Skála og á Svangaskarði verður grannauppgerð ímillum B68 og NSÍ.

Kringvarpið sigur frá dystinum ímillum B36 og HB eftir tíðindini á nátturða.