Gátufør risaeldkúla

Stjørnufrøðingar siga seg, sambært Ritzau tíðindastovuni, hava funnið eina eldkúlu í rúmdini, sum er hundraðferðir størri, enn okkara sólskipan.

Í einari kanning eyðmerkja stjørnufrøðingarnir kúluna sum ta størstu kosmisku spreingingina nakrantíð.

Eldkúlan fór at brenna fyri meira enn trimum árum síðani, og varð uppdagað av tilvild, sigur stjørnu-alisfrøðingurin á bretska universitetinum í Southampton, Philip Wiseman, sambært Ritzau.

Spreingingin er hend umleið 8 milliardir ljósár burturi, sæst í vísindaligari frágreiðing.