Russar taka seg aftur í Bakhmut

Tað metir stovnurin fyri hernaðargransking í Washington, ISW, í síni nýggjastu dagføring í gjárkvøldið um kríggið, skrivar Ritzau.

Sambært ISW vísa upptøkur frá í gjár, at russiskar herdeildir flýggja undan kanónskotum á suðursíðuni av Berkhivske-vatninum, sum liggur fýra kilometrar í ein útnyrðing úr Bakhmut. 

Upplýsingarnar verða stuðlaðar av bretska verjumálaráðnum, sum sigur, at ein russisk herdeild teir síðstu fýra dagarnar eftir øllum at døma er flýdd í ótta fyri álopum við hermótið sunnan fyri Bakhmut.

Russiska verjumálaráðið viðgongur, at nakrar av russisku herdeildunum hava tikið seg aftur til meira lagaligar verjustøður, meðan Wagner-bólkurin hevur funnist at russiska herinum fyri at flýggja.