Sjóverjuskipini fáa eina manning aftrat

Donsku verjuskipini við Føroyar og Grønland, tey sonevndu Thetisskipini, fáa eina manning aftrat.

Hendan manningin skal millum annað vera umborð, tá skipini eru á skipasmiðju.

Tað sigur virkandi verjumálaráðharrin, Troels Lund Poulsen, í svari til Onnu Falkenberg, fólkatingskvinnu.

Anna Falkenberg

Anna Falkenberg, fólkatingskvinna, spurdi virkandi verjumálaráðharran um sjóverjuskipini. 

Manningartrot ger, at skipini ikki altíð kunnu gera arbeiði sítt til fulnar.

Longu í 2020 tók Forsvarskommandoen nógv stig fyri at fáa fleiri fólk um borð á skipini, sum eru í Norðuratlantshavi.

Fleiri tiltøk eru á veg, millum annað størri hýrur til manningarnar. 

Og manningarnar skulu vera styttri umborð.