Grønland: Ótolnast eftir kanningini um spiralgøluna

Grønlenska stjórnin ótolnast og hartar Danmark fyri at drála við at fara undir at kanna sonevndu spiralgøluna. 

Londini gjørdu annars semju um at seta kanning í verk, men nú átta mánaðir seinni er hon framvegis ikki byrjað. 

Frá 1966 til 1970 álegði danska heilsustýrið, at grønlenskar gentur skuldu brúka fyribyrging, so tær ikki gjørdust við barn. Tí fingu 4.500 gentur hesi árini spiral settan í uttan samtykki. 

Í fjør var ein útvarpsdokumentarur sendur á Danmarks Radio, sum greiddi frá, at nógvar av hesum ungu gentum komu illa fyri av inntrivinum. Fleiri teirra gjørdust lívsørar av skaðanum, og hava tí ongantíð fingið børn. 

Grønland hevur eftirlýst eina kanning, hvat hendi hesi árini, men hon er ikki byrjað.

Grønlendski landsstýrisformaðurin, Múte B. Egede, sigur, at hann er vónbrotin av, at tað verður drálað. Hann segði soleiðis í danska kringvarpinum í gjárkvøldið:

Danski heilsumálaráðharrin, Sophie Løhde, sigur, at kanningin verður nú raðfest, men fólkatingsvalið og at finna røttu fólkini at standa fyri kanningini hava seinkað gongdini.