B36 kann seta Víking av

Við sigri í Gundadali í dag kann B36 seta Víking av í stríðnum um ovastu trý plássini í Betri-deildini við monnum.

Undan dystinum, sum byrjar klokkan 15.00, eru seks stig ímillum árstalsfelagið á 3. plássi og víkingarnar á 4. plássi. Í 1. umfari vann B36 við trimum málum ímóti ongum á Víkingi í Sarpugerði.

HB má vinna á B68 á Svangaskarði, um káma gullvónin hjá teimum reyðsvørtu skal varðveitast. Í gjár vann KÍ tepran sigur á AB, og munurin í løtuni er 10 stig.

Tveir aðrir dystir eru í dag. ÍF tekur ímóti 07 Vestur í Fløtugerði, meðan TB vitjar EB/Streym í Hólmanum á Eiði.

Betri-deildin, 12. umfar:
Kl. 15:00 B36 - Víkingur 
Kl. 15:00 ÍF - 07 Vestur
Kl. 15:00 EB/Streymur - TB
Kl. 16:00 B68 - HB