Fiskurin á Bankanum er miðal

Tað er ikki rætt, at bankafiskurin er serliga illa fyri í ár í mun til undanfarin ár. Heldur er talan um eitt miðal ár, sigur framleiðslustjórin á Vaðhorn á Strondum, Jens Martin Knudsen.

Jens Martin Knudsen

Jens Martin Knudsen er framleiðslustjóri á Varðhorn.​​​​​​

Stjórin á Fiskamarknaði Føroya, Høgni Hansen, sigur, at teir sleppa av við allan fiskin, men at prísurin - serliga á hýsu - er væl lægri enn undanfarin ár. Hann heldur, at ein partur av frágreiðingini er, at bankafiskurin hevur fingið so ringa umrøðu í ár, og at tað ávirkar marknaðin.

Høgni Hansen sigur annars frá óvanliga góðum fiskiskapi á Føroyabanka, men at eingin svartfuglur er at síggja, og at hetta kundi bent á, at tað er ov lítil føði í økinum.