Heimaflotin vil hava fleiri rættindi á fjarleiðum

Støðan hjá heimaflotanum er nú so álvarslig, at verður ikki okkurt gjørt politiskt at útvega flotanum betri rættindi at fiska, so er stórur vandi fyri, at flotin fer fyri bakka.
 
Meðan aðrir skipabólkar, eitt nú uppsjóvarskip, verksmiðjutrolarar og línuskip hava fingið nýggj rættindi, og í stóran mun hava kunnað endurnýggjað flotan, so hevur heimaflotin verið við sviðusoð, tá ræður um nýggj rættindi, við tvørrandi fiskiskapi og harvið tungum rakstri sum avleiðing. Tað vísa feløgini Garnaskip, Trolskip og Lemmatrolarar á í skrivi, sum er sent fjølmiðlunum.

Rankin, trolari

Rankin er ein av lemmatrolarunum.

Ludvík við Stein er formaður í felagnum Lemmatrolarar:

Ludvík við Stein sigur, at loysnin upp á støðuna hjá heimaflotanum er, at hann fær fleiri rættindi á fjarleiðunum, og at uppsjóvarrættindini ikki vera skattað, sum lagt er upp til nú frá politiskari síðu. 

Tað hevur ikki eydnast at fáa eina viðmerking frá Dennisi Holm, landsstýrismanni í fiskivinnumálum, sum er staddur uttanlands.