Útfluttu laks fyri 5,5 milliardir í fjør

Føroyar útfluttu laks fyri 5,5 milliardir krónur í fjør.

Tað eru 48 prosent av føroyska fiskavøruútflutninginum.

Í 2021 var virðið eina góða milliard minni.

Tað skrivar Havbúnaðarfelagið í sínari ársfrágreiðing.

Góð útlit

Og útlitini fyri laksaútflutningin eru góð fyri 2023.

Felagið væntar tó ikki, at teir sera høgu prísirnir í fyrra hálvári 2023 fara at vera í seinna hálvári.

Marknaðarprísurin á laksi var methøgur í fjør, tí útboðið minkaði.

Miðalprísurin fyri feskan laks alt árið 2022 var 66 danskar krónur fyri kilo.