Hitin setti aftur met

Aftur í gjár setti hitin á jørðini met.

Miðalhitin í gjár var 17,23 stig, vísa útrokningar hjá University of Maine í USA.

Hetta er mesti miðalhiti, sum higartil er mátaður.

Hini heimsmetini vóru sett týsdagin og mikudagin, tá miðalhitin var mátaður til 17,18 stig. Eisini mánadagin setti hitin met.

Frammanundan var mesti miðalhiti mátaður til 16,92 stig. Tað metið var sett í august í 2016.

University of Maine roknar hitan á jørðini við at brúka dátur frá fylgisveinum og simuleringsskipanum.