USA ætlar at selja Turklandi jagaraflogfør

Amerikanski forsetin, Joe Biden, fer at samstarva við kongressina í málinum um at lata Turkalandi F-16-jagaraflogfør.

Tað sigur amerikanski trygdarráðgevin, Jake Sullivan, sambært Reuters.

Sullivan sigur, at Biden hevur gjørt greitt, at hann tekur undir við at selja Turkalandi flogførini.

Jack Sullivan sigur kortini einki um, nær sølan verður framd.

Tíðindini um F-16-flogførini bórust, eftir at Jens Stoltenberg, Nato-aðalskrivari, á tíðindafundi í litavska høvuðsstaðnum Vilnius í gjárkvøldið boðaði frá, at Turkland fer at góðkenna svensku umsóknina um limaskap í Nato.

Tey 31 limalondini í Nato hava í hesum døgum toppfund í Vilnius.