Útflyta framvegis til Russlands

Føroyar útflyta framvegis til Russlands.

Í mai vóru makrelur, sild og svartkjaftur útflutt til Russlands fyri 12,6 milliónir krónur. 

Hetta er nakað tað sama sum í mai undanfarin ár.

Í mai í ár keyptu russisk skip olju í Føroyum fyri okkurt um 16 milliónir krónur.

Í vørubólkinum, sum eitur aðrar vørur, er fyrst og fremst olja.

Tann vørubólkurin var 16,4 milliónir krónur í mai, sigur Hagstovan.

Oljusølan er nakað minni nú enn undanfarin ár, men oljan er dýrari nú, so virðið á tí útflutninginum er nakað størri.