KÍ kann møta Molde ella Helsinki

Lutakastið um hvør skal møta hvørjum í triðja undanumfari í Champions League-kappingini í fótbólti hevur verið í dag.

Fremur KÍ enn eitt bragd og vinnur seg víðari móti svenska meistaraliðnum BK Häcken, so skal KÍ møta vinnaranum av HJK Helsinki og Molde. 

Fyrri dystur av tveimum í øðrum undanumfari í Champions League-kappingini millum KÍ og BK Häcken verður spældur í mikukvøldið við Djúpumýrar í Klaksvík.

Útselt er til dystin, og tað merkir, at tað vera 1219 áskoðarar til dystin. 

Norðlýsið skrivar, at tað tók væl minni enn eitt samdøgur at selja tey 1219 atgongumerkini, og longu eftir einum tíma vóru tey fyrstu 900 seld.