Hitamet í sjónum

Hitin í Norðuratlants­havi hevur sett met sambært fyribils tølum hjá amerikanska hav- og luftgranskingarstovninum, sum hevur havt eftirlit við hitanum í Norðuratlantshavi í 30 ár.

AFP skrivar, at miðalhitin í vatnskorpuni var 24,90 stig, sum er met.

Gamla metið er frá september í fjør. Tað var 24,89 stig, 0,1 prosentstig minni enn nú.

Tað er óvanligt, at so heitt er longu nú, tí vanliga er heitast fyrst í september.

Nýggja ­metið er meira enn eitt stig størri enn vísindafólk mettu fyri einum ári síðani.