Ferðavinnufelagið fegnast um broyting í rúsdrekkalógini

Ferðavinnufelagið hevur í nógv ár arbeitt fyri at bøta um og broyta innkeypstreytirnar hjá matstovuvinnuni á rúsdrekkaøkinum. 

Tí fegnast Ferðavinnufelagið um ætlanina hjá landsstýrinum at loyva matstovum at innflyta beinleiðis, tað er uttan um Rúsuna, vín og øl.

Verandi støða við einkarinnkeypi tarnar kappingarførið hjá matstovuvinnuni, sigur Ferðavinnufelagið.

Felagið sigur, at í londunum kring okkum, sum hava einkarsølu, hava loyvishavarar møguleika at keypa frá øðrum enn einkarsøluni.