Einki rognkelsisvirksemi í Svínoy

Einki virksemi er á rognkelsisstøðini í Svínoy í løtuni, tí sum útvarpið skilir, doyðu øll rognkelsini á rognkelsisstøðini fyrr í ár.

Tað hendi eftir einari nátt – helst av sjúku. Síðan tá hevur einki arbeiði verið á støðini.

Einasta viðmerking, sum Regin Jacobsen, stjóri í Bakkafrosti, hevur í tí sambandi, er, at síðstu rognkelsini eru sett út og at arbeitt verður við at rigga støðina út til at gerast lívfiskastøð.

Talan verður um sama slag lívfiskastøð, sum tann í Skopun. – Tað hóskar hon seg væl til, tí hon tekur sjógv inn, sigur Regin Jacobsen, stjóri í Bakkafrosti. 

Alt roknkelsi síðani 2019
Tað var í seinnu hálvu í 2019, at Sjúrður Jacobsen byrjaði at ala rognkelsi í Svínoy.

Upprunaliga var tað pápi Sjúrð Jacobsen, Bjarni Jacobsen, sum læt Smoltstøðina í Svínoy byggja, og tá var arbeiðið á støðini í fleiri ár.

Bakkafrost kom inn í felagið fyri nøkrum árum, og hevur síðan tikið yvir virksemið.