Royndu at lumpa pengar frá børnum og ungum

Nógv børn og ung fingu sokallað phishing sms-boð í gjár, sigur BankNordik.

Phishing sms-boð eru følsk boð frá svikarum. 

Hjá børnum kann vera serliga trupult at vita, nær okkurt er svik. 

Talgildu svikararnir duga væl at lokka børn og ung, og tí er umráðandi, at foreldur fylgja væl við talgildu nýtsluni hjá børnunum, sigur BankNordik, sum hevur nøkur ráð.

BankNordik, Trygd

Góð ráð til foreldur

Bankin mælir til at læra barnið, hvørjar upplýsingar eru persónligir og skulu verjast.

Foreldur eiga at kanna vanligastu svikini móti børnum,

Tey eiga at vísa áhuga fyri sosialu miðlunum hjá barninum, og skapa góðar karmar at tosa um talgilda nýtslu og talgildar vandar.

Phishing

Hevur eitt barn trýst á leinkið, sum var sent við phishing sms-boðum í gjár, og latið persónligar upplýsingar, so eigur kortið at vera sperrað alt fyri eitt.

Tað kann gerast beinleiðis í Netbankanum.