Skráseting Føroya komin fram á ólóglig partaeigaralán

Í eftirlitinum hjá Skráseting Føroya í ársfrásagnum hjá partafeløgum kom hon fram á tvey feløg, sum høvdu partaeigaralán. 

Partaeigaralán er millumrokning millum felagið og leiðslu, eigarar ella onnur, sum standa felagnum nær. 

Slík lán eru ólóglig og skulu afturgjaldast við rentum.

Partaeigaralánini eru hjá feløgum, sum eru grannskoðað.

Grannskoðararnir hava í báðum førum havt viðmerkingar um partaeigaralánini.

Afturgjaldsavtalur við rentu
Í báðum førum var afturgjaldsavtala við rentum gjørd. 

Skrásetingin hevur biðið um váttan frá leiðsluni í feløgunum og grannskoðarum felagsins um, at partaeigaralánini eru afturgoldin feløgunum við lógarkravdum rentum.

Partaeigaralán eru ikki í ársfrásagnum, sum ikki eru grannskoðaðir.

Skrásetingin heldur, at ein møguleiki er, at feløg, sum ikki hava grannskoðaðar, ikki upplýsa um hesi lán.