Putin ætlar ikki at fylgja Prigozjin

Russiski forsetin, Vladimir Putin, ætlar sær ikki at fylgja Jevgenij Prigozjin 

Tað váttar Dmitrij Peskov, talsmaður hjá russisku forsetaskrivstovuni, sambært Reuters.

Peskov greiddi frá, at Kreml veit einki um jarðarferðina, ella ætlanirnar hjá familjuni hjá Prigozjin í sambandi við jarðarferðina. 

Tað var mikudagin í síðstu viku, at eitt flogfar við tíggju ferðafólum datt niður millum St. Pætursborg og Moskva.

Sunnudagin váttaði russiska fregnartænastan, at Wagner-leiðarin, Jevgenij Prigozjin, var millum ferðafólkini í flogfarinum. Øll, sum vóru við, doyðu.