Illveður sæst aftur í roknskapinum

Illveðrið í februar sæst aftur í roknskapinum hjá Trygd fyri fyrra hálvár.

Skaðaendurgjøldini vóru stívar 51 mió. kr. Tey vóru stívar 47 mió. kr. í fyrra hálvári 2022.

Inflatiónin ger eisini, at umvælingar eru vorðnar dýrari.

Annars sigur Trygd, at fyrra hálvár hilnaðist væl.

Úrslitið eftir skatt var 4,6 mió. kr. Tað var 3,6 mió. kr. fyrra hálvár í fjør.

Higartil í ár hevur Trygd havt 400.000 kr. í avlopi av íløguvirkseminum.

Tað ljóðar ikki av nógvum, men í fjør var hall, 4,3 mió. kr.