Olja á vegnum úr Leirvík niðan á Gøtueiði

Politiið ávarar um hálku á vegnum úr Lervík gjøgnum Gøtu niðan á Gøtueiði, tí olja er komin á vegin.

Fráboðan kom um oljuna og hálkuna klokkan trý korter til sjey í morgun.

Politiið hevur biðið Landsverk spula vegin.

Politiið sigur, at summa staðni er øgiliga hált.

Koyrdi á bilverju

Ein bilur, sum koyrdi á bilverjuna oman fyri Sundsverkið seinnapartin í gjár, fór so illa, at hann ikki kundi koyra av staðnum. 

Fólkaskaði var ikki í óhappinum.

Tveir aðrir bilar, sum komu framvið, fingu eisini skaða av steinum og lutum, sum fóru av bilinum, sum rendi á bilverjuna.

Poliitið veit ikki enn, hví ferðsluóhappið hendi.