Emerald fór stutt fyri midnátt

Trolarin Emerald er nú staddur í ein landnyrðing úr Føroyum á veg norðureftir sambært Vesselfinder.com.

Hann fór av Havnini beint fyri midnátt.

Nú eru skjótt triggir mánaðir síðani Emerald fór úr Turkalandi, har hann er bygdur.

Á veg til Havnar var hann í Hirthals og í Vági.

Emerald kom á Havnina 13.juli. Men tað vísti seg, at nógv var eftir at gera umborð.

Emerald var tveir royndartúrar undir Føroyum, og ein túr eftir rækjum.

Emerald kann fiska rækjur í altjóða sjógvi í Barentshavinum og í Norska havinum.

Hann hevur fingið 1.405 tons av rækjum í russiska Barentshavinum.

Og hann hevur 149 fiskidagar eftir rækjum við Svalbard.