Føroyar vilja við í altjóða eftirlitsstovn

Føroyar hava søkt um limaskap í Paris MoU, sigur Løgmansskrivstovan. 

Paris MoU er altjóða felagsskapur, sum hevur eftirlit við, at skip, sum koma í havn, halda øll altjóða krøv. 

Talan er um standard krøv, sum eru galdandi fyri øll limalond í Paris MoU. 

Krøv vera tí sett limalondum um, at lóggávan á økinum er dagførd, og at londini hava sett í verk alla kravda altjóða lóggávu. 

Eru ivamál um Føroyar halda krøvini í Paris MoU, kann umsóknin um limaskap í Paris MoU vera noktað.