Vakrasti seyðurin skal finnast

Landsseyðasýningin í ár verður 8. til 11.november.

Og kunngjørt verður 17.november, hvør vinnur. 

Freistin at boða frá er til 6.november kl.15.00. 

Fyri at vera við í landsseyðasýningini, skal seyðurin vera sýnaður á lokalari sýning, sum Búnaðarstovan hevur góðkent. 

Harafturat skal seyðurin vera frískur.

Tað skal vera staðfest við ílegukanning, at hann hevur mótstøðuføri móti ridluskriða, sigur Búnaðarstovan.

Tá tær lokalu sýningarnar hava verið, fara sýnsmennirnir til økini at sýna tríggjar teir vakrastu veðragjólingarnar, tríggjar teir vakrastu veturgomlu veðrarnar og tríggjar teir vakrastu veðrarnar, tvey ár ella eldri.