Signar skal seta ferð á

Parasport Føroyar setir nú ferð á arbeiðið at skipa ítrótt fyri fólk, ið bera brek.

Tí hevur sersambandið sett Signar Hilmarsson í verkætlanarstarv. Hann skal saman við ítróttaráðgevanum tryggja, at fólk, ið bera brek, fáa part í fyrimununum og ágóðunum, sum ítróttalívið gevur, boðar formaðurin í Parasport Føroyar, Petur Elias Petersen, frá.

Signar Hilmarsson skal millum annað seta í verk átøk í samsvari við nýggju strategiina, 'øll kunnu íðka'.

Signar Hilmarsson er útbúgvin kanditatur í ítróttafrøði frá Aalborg Universitet, ið gevur serfrøðiliga vitan innan ítrótt, rørslu, venjing, heilsu og trivnað.