Taka støðu til russlandssáttmálan í næstu viku

Avgerðin um landsstýrið fer til samráðingar við russar um eina nýggja fiskiveiðuavtalu fyri næsta ár hevur drigið út, men nú er ein avgerð á gáttini. 

Tað sigur Aksel V. Johannesen, løgmaður:

Aksel V. Johannesen, Høgni Hoydal, Uttanlandsnevndin

Aksel V. Johannesen, løgmaður. (Mynd: Bjarni Árting Rubeksen)

Fiskiveiðuavtalan við Russland er galdandi eitt ár í senn, og tann 31. desember fer hon úr gildi.

Stóri spurningurin er, um Føroyar fara at bjóða Russlandi til samráðingarborðið aftur í ár. 

Fyri løgtingsvalið í fjør vóru núverandi samgonguflokkar samdir um, at neyðugt var at slíta samstarvið við Russland í kjalarvørrinum av russisku innrásini í Ukraina.

Kortini hevur tað drigið út hjá samgonguflokkunum at taka eina endaliga avgerð, men í farna mánaði segði Dennis Holm, landsstýrismaður í fiskivinnumálum, at føroyingar mugu vera fyrireikaðir uppá, at fiskiveiðusamráðingarnar við Russland ikki bera á mál. 

Tá vildi hann tó ikki siga, um ætlanin var at fara til samráðingar við russar.

Fiskiveiðusamstarvið við Russland er eitt tað elsta fiskiveiðusamstarvið, sum Føroyar hava við eitt annað land.