Fyrireika endaliga álopið

Aftur í nátt hevur ísraelski herurin bumbað í Gaza. Hetta er fyrireiking til eitt endaligt álop á landi, sum skal raka Hamas. Yvir 350 túsund fólk í ísraelska tiltaksherinum eru innkallað, og nógv teirra standa í løtuni klár við markið til Gaza. 

Bæði ísraelska stjórnin og ísraelski herurin hava verið fyri atfinningum fyri ikki at hava uppdagað, at eitt álop frá Hamas var á veg. Fólkið tekur tó undir við endaliga álopinum, sum herurin nú ger seg kláran til. 

Síðani Hamas leyp á Ísrael seinasta leygardag hava yvir 3500 fólk latið lív.